يجعلها بيضا عالكريم سودا عالئيم منيله بستين نيلة علينكد عالحريم
القصد محاولات مستميتة لاحداث تغيرات في حياتنا.. اهلاينا .. أخواتنا .. جيرانا زمايلنا ... يخدمونا يجوزنونا يسفرونا يموتونا يطفشونا ... اهو أي تغيير والسلام كلها في الاخر ودتنا لنتيجة واحدة الا وهي ان عمل مهما عمل متعوس وخايب الامل اللي بعده
القصد محاولات مستميتة لاحداث تغيرات في حياتنا.. اهلاينا .. أخواتنا .. جيرانا زمايلنا ... يخدمونا يجوزنونا يسفرونا يموتونا يطفشونا ... اهو أي تغيير والسلام كلها في الاخر ودتنا لنتيجة واحدة الا وهي ان عمل مهما عمل متعوس وخايب الامل اللي بعده
حوار مع واحدة ست معرفهاش اتصلت بيها غلط
ميمو: الوووووو بنك مصر
الووو لا والله يا بنتي مش بنك مصر بس يسمع من بقك ربنا
ميمو: بس النمرة دي متسجلة في السنترال باسم بنك مصر
اه يا بنتي ما انا عارفة مالناس بتكلم على طول تسال على البنك
ميمو:طب ما تروحي السنترال تغيريها يا حجة
ونبي يا بنتي ما فيا صحا اقف والعيال اتجوزو وسابوني وحديا
ميمو: تحبي يا حجة اكلمك السنترال انا اخليهم يغيرولك النمرة
اخرسي يا بنت الكلاب..... سيبي الناس تسال عليا يا حئودة
حوار مع واحد كنت ناوية اتجوزه
وبعدين اكتشفت انه اله النكد عند قدماء المصريين
هوا ان لما بكلمك مبترديش لية ؟؟ مستهيفاني؟ مش مالي عينك؟ مش راجل قدامك؟
ميمو : معرفش.. لو عشت لحد الفرح هعرف
مش انا قلتلك لما تروحي تكلميني ؟ ولما ابصلك تبصيلي؟ وما تقميش الا لما تستازنيني
ميمو: حاضر
اية حاضر دي ما انتي عالطول بتقولي حاضر ومبتعمليش حاجة مبخدش منك الا حاضر
ميمو : خلاص هاعمل
احنا نتجوز دلوقت وابقا اغيرك براحتي بعدين
ميمو : انت عايز حد يغيرلك ؟
ممكن تردي علياااااااااااميمو:صحيح اقطع راس الكلب وارميها واللى النكد فيه خصلة ما يخليها
مش فاهم قصدك
ميمو: بص روح لمامتك قلها جاب الغراب لامه خراه فكمه .. اطلع بره ياله انا ناقصاكو يا ولادالكئيبة
ترتب على الحوار ده ان لامؤخذة داخلين عالتالتين اهو اسماله على مقامكو وبنتحول تدريجيا لنبتة السراخس السعفية المعروف عنها نجاحها الباهر في تكاثرها الذاتي وفشلها الدائم في تكوين أي علاقة مع النباتات المحيطة وقال مالك يا بخت من دون البخوت لبخت
حوار مع الواد كريم قدام باب شقتنا
ميمو: يا كريم يا حبيبي اللعب بالكورة بعيد عن شقتنا عشان مش عارفين ننام
كريم: اففف يا ابله يوه بقا بابا بيقول انك هتفضلي ساكنة في الشقة اللي جنبينا لحد اما حد يتجوزك
ميمو: شوف يا كبد امك .. الحكاية ان جدك الله يرحمو .. ربنا رزقو بحمار .. اللي هوا ابوك وبعدين فضل محتاس بيه .. محتاس بيه .. لحد ما لقاله معزة .. رضيت تاخده اللي هيا امك .. قام رابط المعزة جنب الحمار وقال ان ما اتعلمت شهيقة تتعلم نهيقة
كريم: مش فاهم يعني اية يا ابله ؟؟ قصدك ان بابا حمار ؟؟؟
ميمو: اسماله عليك ... يا اختي بطة حلوة..أمسك يا حبيبي الجزرة دي حطها في ودن الحماااااااار
هوا ان لما بكلمك مبترديش لية ؟؟ مستهيفاني؟ مش مالي عينك؟ مش راجل قدامك؟
ميمو : معرفش.. لو عشت لحد الفرح هعرف
مش انا قلتلك لما تروحي تكلميني ؟ ولما ابصلك تبصيلي؟ وما تقميش الا لما تستازنيني
ميمو: حاضر
اية حاضر دي ما انتي عالطول بتقولي حاضر ومبتعمليش حاجة مبخدش منك الا حاضر
ميمو : خلاص هاعمل
احنا نتجوز دلوقت وابقا اغيرك براحتي بعدين
ميمو : انت عايز حد يغيرلك ؟
ممكن تردي علياااااااااااميمو:صحيح اقطع راس الكلب وارميها واللى النكد فيه خصلة ما يخليها
مش فاهم قصدك
ميمو: بص روح لمامتك قلها جاب الغراب لامه خراه فكمه .. اطلع بره ياله انا ناقصاكو يا ولادالكئيبة
ترتب على الحوار ده ان لامؤخذة داخلين عالتالتين اهو اسماله على مقامكو وبنتحول تدريجيا لنبتة السراخس السعفية المعروف عنها نجاحها الباهر في تكاثرها الذاتي وفشلها الدائم في تكوين أي علاقة مع النباتات المحيطة وقال مالك يا بخت من دون البخوت لبخت
حوار مع الواد كريم قدام باب شقتنا
ميمو: يا كريم يا حبيبي اللعب بالكورة بعيد عن شقتنا عشان مش عارفين ننام
كريم: اففف يا ابله يوه بقا بابا بيقول انك هتفضلي ساكنة في الشقة اللي جنبينا لحد اما حد يتجوزك
ميمو: شوف يا كبد امك .. الحكاية ان جدك الله يرحمو .. ربنا رزقو بحمار .. اللي هوا ابوك وبعدين فضل محتاس بيه .. محتاس بيه .. لحد ما لقاله معزة .. رضيت تاخده اللي هيا امك .. قام رابط المعزة جنب الحمار وقال ان ما اتعلمت شهيقة تتعلم نهيقة
كريم: مش فاهم يعني اية يا ابله ؟؟ قصدك ان بابا حمار ؟؟؟
ميمو: اسماله عليك ... يا اختي بطة حلوة..أمسك يا حبيبي الجزرة دي حطها في ودن الحماااااااار
28 comments:
hahahaa one of the funniest blogs i ever read i got to pie
خفة الظل واضحة جدا فى كل الحوارات :)
ميموووو
وحشانى جدا خالص مالص
مش قلتلك بلاش تغيبى كدة
فيه ناس محتاجين دمك الخفيف زى الغلابه اللى زىى
ضخكتنى لما صوتى جاب للجيران
اضحك الله سنك واسعدك دنيا واخرة اللهم اميين
***
ترتب على الحوار ده ان لامؤخذة العبدة الفقيرة الي الله داخلة عالتالتين اهو اسماله على مقامكو وبتتحول تدريجيا لنبتة السراخس السعفية المعروف عنها نجاحها الباهر في تكاثرها الذاتي وفشلها الدائم في تكوين أي علاقة مع النباتات المحيطة وقال مالك يا بخت من دون البخوت لبخت
:)
الحال من بعضه ميمو مش تقلقى على نفسك خاالص
ان شاء الله هنعمل غابه من نبات السراخيس السعفيه رائعه ويجى ناس من كل الدنيا يتفرجوا على الغابه النادرة
ربنا يكرمك يارب ويرزقك بالزوج الصالح اللهم اميين
يخرب عقلك هههههههههه
ايه يا بنتى المسخرة دى قلبى كان هيقف من الضحك
بس انتى شلفتى عيلة الواد خاالص
و كما قالت رفقة انا برده عجبنى الجزء ده لاص الواحد بقى على نفس الطريق يقطعهم يا ختى
ترتب على الحوار ده ان لامؤخذة العبدة الفقيرة الي الله داخلة عالتالتين اهو اسماله على مقامكو وبتتحول تدريجيا لنبتة السراخس السعفية المعروف عنها نجاحها الباهر في تكاثرها الذاتي وفشلها الدائم في تكوين أي علاقة مع النباتات المحيطة وقال مالك يا بخت من دون البخوت لبخت
هههههههههههههههههههه
عسل دمك زي السكر وبعدين انتي تشاوري وتقولي يا جواز وانا تحت امرك
اينعم هاتبقي الزوجة التانية بس يا بختي بخفت دمك دي
يخرب عقلك يا ميمو
تغيبى تغيبى و تطلعى بتدوينه قنبله
يخرب بيتك انتى مصيبه :)))))))))))))
sameh
dude dont pie here .pieing is the last thing i need in the comments :)))
tears
اشكرك على المجاملة دي
تحياتي
-----------
رفقة
اهلا يا جميلة
الله يخاليكي
امين امين امين
و هفضل اقول امين لحد ما اشوفك بقا
تحياتي يا ست الكل
---------------
مرام
اهم حاجة ان انتي مبسوطة سيبك انتي
جميل البلوج الجديد الف مبروك ة تحياتي
Anonymous
شوف انتا بس تديني عنوان المدام و انا هظبطك في موضوع الجواز ده هايبقا في تانية و تالتة و رابعة وحور عين وعين من غير حور
------------------
مهرة
اشكرك
نورتيني و تحياتي
------------
تونة
هاعتبر ده مدح ولو ان انا حاساهه شتيمة
ههههههههههههههههه
و اشكرك
مش عارف ابدا منين واقولك ايه
لكن اكثر حاجة لفتت انتباهي
امثالك الغريبة واللي مش عارف جبتيها منين دي
بقي الغراب جاب لامه خراه في كمه ؟؟؟؟
دي جديدة بصراحه
لكي تحياتي
بقدر سعادتي بما تكتبين
كثيرا ما خطر في بالي. فبالفعل إذا كان الإنسان و في أقل شيء في حياته يفكر و يفحص قبل أن يقتنية أو يتخذه إذا كان قرار، فكيف يستسهل أمر مهم كالإيمان؟ كثيرا ما أسمع جملة : غلها براس عالم و إبقي سالم أو شيء من هذا القبيل. و ما يعني ذلك أن تترك الأمر للعالم حتي لو لم تقتنع بالشيء . و بذلك لن تكون مذنبا. و أستغرب، هل الإعتقاد أو الإيمان بهذه السهوله و السخافه. إنه طريقة للحياة، بل إنه كل الحياة، بالنسبة لي علي الأقل. و لذلك لم يكن إلحادي أمر حدث بين يوم و ليلة، بل أنه أخذ مني العمر كله.
تحياتي لك،
ادم
انت مش هاتنشر الشعر الجامد اللي في المدونة دة
هه
ولا انتا ناشرو و مخبي
يا عفريت اكيد منشور في دار كدا ولا كدا و محش عارف عنها حاجة
عموما لو هتنشر ابقا قولي عشان الم غسيلي
تحياتي و شكرا للزيارة
ايه
شوفي يا بنتي
هما كلهم ستين سبعين سنة وكلنا هانعرف اذا كان ربنا موجود ولا لاء
محدش فينا مخلد
عايزة تبقي بهائية براحتك
عايزة تبقي جزائرية براحتك برضو
انتي لكي حرية الاعتقاد ولكي العمل بما تعتقدين انه احسن لكي
ونحن لنا حرية الاعتقاد واتفق كثير من العلماء ومعاهم الموكوسة اللي هيا انا على ان الخراء اللي احنا عايشين فية ده لا يمكن يكون اخر الكون
لازم في حتة و في مكان اللي مخدش حقة في الدنيا ياخد حقة فيها هناك
لازم يبقا في اخرة
ولازم يبقا في ربنا ولازم يبقا في ثواب لمن احسن وعقاب لمن اساء
وعموما من وجهة نظري انا خايفة عليكي بعد كام سنة لما ندفن كلنا و تكتشفي ان في ربنا
هايبقا اكبر خازوق ادتية لنفسك
ومن وجهت نظرك انتي لو طلع في ربنا هاتقوليلو سوري مكنتش اعرف
طب ولو مطلعش سعتها بقا سعادتك و سعدتي هيبقو تراب بس انا هاكون عشت حياتي و انا راضية عن الاساءة و الاحسان وبراعي الخير و الحق في تصرفاتي وانتي هاتكوني ضيعتي حياتك بتحولي تثبتي الحق
ههههههههههههههههههه
اعتقد كدا مكسب ليا في الحالتين
ربنا يهديكي ليه
وبراحتك
و تحياتي
هههههههههههههه ... مش عاوز اقولك يخرب عقلك ويخرب بيت خفة دمك . والكلام ده .. بس انا نفسي افهم الكلام اللى يخلى الواحد يقلب على دهره من الضحك ده حقيقي ولا بجد ..
دنتى لوحدك حوار جامد يفطس من الضحك
لا هو مدح الحقيقه انتى بتهلكيني من الضحك .. والحقيقه انك من ناس قليله متابعه اقرالهم وبعتبر كتابتهم من الحاجات الحلوه اللى فى الدنيا :)
اسلام
يااااااااااااااااااه
الف حمداله علسلامة يا راجل
دانا قلت عليك يا رحمن يا رحيم من ساعت البوست الي بتشكر فية في اوصاعنا ده
سيبك انت المهم انك تمام والمدونة منورة و اللهي
ما تقعد تشرب حاجة
خطوة عزيزة فعلا
تحياتي
تونة
الاديبة العظيمة الكبيرة اللي اسعدتني طلتها على مدونتي
انتي بتقري القرف اللي انا كتباه دي ازاي
دالبلوج بتاعك يدل على حجات كبيرة قوي عموما لما تنزل مجموعتك القصصية ان شاء الله هكون اول واحدة تشتريها
عشان فعلا اسلوبك جميل
تحياتي
هههههههه
ايه كل الحوارات المسخرة دي؟
ما فيش طيب أي حوار عدل شوية ؟ وألا المنجوس منحوس وألا إيه؟
:-)))
بتعرفي تجمعي الناس دي كلها ازاي؟
:-))
يخرب عقلك يا ميمو
فضحانا في كل الاماكن
السلام عليكم
بجد دمك شربات وعسل
واسلوبك بجد رهيب
اتمنى ان ربنا يرزقك بالزوج الصالح
ومش تقلقى مستنيه معاكى
مش تغيبى عننا
وربنا يخليى تيته يارب
شخصية رائعة من الشخصيات الروائع على أرض مصر
Keep Going
ازيك يا ميمو
ممكن تراسلينى عالميل عشان كنا عاوزينك فى موضوع ضرورى
mfahmyharb@hotmail.com
اعجبتنى السرخسيات السعفية
واله النكد
وجاركم
ضحكتينى وانا من زمان مضحكتش
ربنا يسعدك يا ميمو
بجد انتى شخصية لطيفة جدا
انا بآجى عندك أضحك من قلبى
و ادعيلك بجد
بتوحشينا
و متغبيش كتير كدا
ميمو يا ميمو يا ميمو
ههههههههههههههههههههه
والله وحشتينى
بس أعمل إبه بجد مشغول
إبقى أسألى يا بنتى
أنا آه بطلت كتابة بس لسة عايش أهوة
وعادى بقة هيه جت عليا أنا يعنى
أودى
هههههههههههههههههههههههههههههههههههههههههههههههههههههههههههههههههه
جامداااااااااااااااااااااااا موووووووووت بجد انا كنت همووووت
ربنا معااااااااااااااكي
Post a Comment