قاعده بقزقز لب لا بيا و لا عليه و جالي تليفون من الواد فتحي ابن خالتشي والي ميعرفش فتحي فهوا واد عامل نفسو راجل ومعلش خدو بالكو من عامل نفسو دي... المهم الواد كالمني
فتحي ابن خالتشي : الحقيني يا بنت خالتشي واحد صاحبي اخد مفتاح المخزن بتاع زايد وجاب فيه بنت والجيران وادتو على القسم وده صاحبي ولازم اخرجو وونبي يا ميمو توصليني لحد قسم الشيخ زايد
وقد كان وصلنا لقينا القسم كلو بيضرب في الواد صاحبه والبنت اللي معاه اتاري صاحب البيت ظابط وصاحب ابن خالتشي كان بيجيب حجات من المخزن لوحده وخطيبت صاحبة كانت مستنياه في العربية والظابط صاحب البيت لفقلهم اداب عشان ابن خالتشي يسيب المخزن ... انا قلت مش هادخل بس ان جيتو للحق انا خفت قلت اخد الواد اروحوه لامه واكسب في البت ثواب وده ودي عيال جامعه امريكيه واخرهم هيقعدو يعيطو واصلي باروح افلام عادل امام وعارفه اللي فيها
دخلت القسم ولسه بقول للظابط
ميمو:ممكن حضرتك تندهلي الناس الي جوه بس عشان امشي ويا ريت كوبايه ميه
مطلعشي ظابط طلع عقيد طن طن طااااااااااااااان مبدئياً راح منولني بالبوكس في خلقتي وهبدني شلوت في بطني
ميمو: ليه كده بس انا عملتلك حاجه يا عم انت
العقيد طارق: انتي يا بت انتي ازاي تردي عليا وتقوليلي ممكن كوبايه ميه مش كفايه انك جايه تطلعي عيال وسخه يا بنت المت....يا ...انت يا ابني اعملها قضيه انها كانت مع العيال دي في الشقه
ميمو: يا نهار اسود انت هتتبلا عليا داحنا ناس محترمه ومهندسين وقريبه وزير وبسال عالواد ابن خالتشي عشان اتاخر
راح طالع علينا بالجزمه والبوكس والشلاليت والالكام واللزي منه واديلو ادي .. كنت لسه هفرتكو وافعصو بصيت لقين نفسي اغمي عليا.. فلت من ايدييييييي ...فقنا لقينا نفسنا ملقحين على البورش نشفو دمنا شويه ودخلونا للمامور
المامور : معاكي بطاقه
ميمو: في العربيه يا فندم ..ممكن كوبايه ميه ؟؟؟
المامور : ليه قالتي قدبك علي سياده العقيد طارق ؟
ميمو: حضرتك مش شايف اللكميه الي في وشي ودراعي المكسور... وهوا انا لحقت اساسا
المامور:انتي ايه الي جابك؟؟
ميمو: الواد ابن الجزمه ده عشان فافي وكان عايز يطلع صاحبه
المامور:انتي كنتي هاتلبسي اداب
ميمو: يا باشا الواد يجي 17 سنه اخره يعني كتر خير الدنيا انه بيروح الحمام لوحده
المامور :طيب انزلي امضي على المحضر واتفضلي اعتزري لسياده العقيد طارق
ميمو: حسبي الله و نعم الوكيلللللللللللللللللللللللللللللللل
فتحي ابن خالتشي: انتي ايه الي دخلك معايا القسم ؟؟
ميمو : والله عال نضرب ونسمع شتايم عنب عشان ابو شخه مبيعرفش يتصرف لوحده وخايف من امه ويا ريته تمر في اهلك
طبعا العقيد كان ملفقلي تهمه وعشان يسبكها ويلبسهالي ويبوظ سمعتشي ويدمر مستقبلي قال اني ماشيه من غير بطاقه فلما مضيت على المحضر كتبت نفسي مروه السيد احمد عبد ربو واقطن بدير النحاس رقم 7
---------------------------------------
تحذير: لكل من يسكن في الشيخ زايد .. خد عيالك وعزل ..هوا الواحد فينا ايه غير كرامه وكرت واسطه ...واه يا عيني
92 comments:
حمدا لله على السلامة
ارجع بقة اقرأ
المشكلة إني من زمان مش باقدر اميز الحقيقة والتهريج من كلامك
بس حسبنا الله ونعم الوكيل المفروض الموضوع بتاعك يتبلغ بيه وتاخدي إجراء
:))))))
والله زمان يا ميمو
عاش من شاف تدويناتك
الكلام ده بجد ؟
تستاهلى حد قال لك تتحشري لواحد ممسوك اداب
كنت خليه يتربي هو و مزته بسلامتهم الجوز و بالمره كنتى تسيبي المحروس ابن خالتك اهو يتدعك شويه
و بعدين قسم ايه اللى تروحيه اليومين دول اسم الله عليكى لأ و تطلبى ميه كمان
جامدة جداً
منتي لو بتابعي أخبار كنتي عرفتي انك متهوبيش ناحية قسم حتى ولو هتعملي بطاقة وتعملي مسافة أمان لاتقل عن خمسين متر في كل اللاتجاهات بينك وبين أي عسكري شرطة.
يلا مش جت في لوكامية ودراع مكسور, يعني الحمد لله ربنا ستر. واحمدي ربنا انهم ماعملولكيش قضية اهانة موظف اثناء تأدية وظيفته ودي بأه ممكن تشيليها بجد.
آه متنسيش سلميلي على ابن خالتشك وقوليله يستنضف اصحابة شوية. ومزز ايه اللي بيجيبوها اليومين دول ده حتى ......... ولا بلاش
سلام
انتي كنت قين الفترة الي فاتت دي؟
اكيد مش في مصر
اصل لو كنت عايشة فيها كان لما تسمعلي كلمة قسم شرطة حتربطيها على طول بي عصا و مقشة وعماد الكبير و ناس بتدخل متطلعش
يالا حصل خير
welcome back
الاخ العزيزة
الظابط اسمة طارق واحنا فى قانون الطوارق يعنى لازم تشغلى الجمجة حد فى الدنيا يخبط فى الطوارق احمدى ربنا انة قال قضية اداب ولاكانتش مخدرات مثلا دى اقلها تابيدة وبعدين درج الظابط مايخلاش هتلاقى عندة من البانجو للبودرة وكلة بثوابة
عموما علقة تفوت ولا حد يلبس النبوت زى عماد الكبير
سلامتك يادماغى
أولا مبروك رجوعك للتدوين ولو إن الموضوع اللي رجعتي لنا بيه محزن فعلا
ثانيا إنتي طده اكدتي الشعار العظيم بتاع الشرطة في خدمة الشعب
أنا نقلت سكني في أكتوبر وكويس إني عرفت المعلومة دي .. يعني أبعد عن القسم وأغنيله
والله و رجعت يمن الجبهة منصورة باذن الله
اتاريكي مختفية كذا شهر بحالهم و لا حس و لا بوست و لا حتى تعليق
اتاريكي ممسوكة بالغلط يا حبة عيني و انتي مالكيش لا في الطور و لا ف يالطحين
معلش السجن للجدعان و البنات المؤدبة
عدتي و العود احمد و محمد
والله انا قريتلك مواضيع كتير بس اسلوبك ظريف اوي جدا خالص مالص بس عايزيين نعرف رقم المحضر عشان نبلغ لجنة حموم اللسان عشان نرفع قضية ونجيبلك حقك
انتي كنتي فين يا هانم كل ده
ده أنا قلت أنك طفشتي من البلد
حمد الله على سلامتك
انا قريت مدونتك بالكامل من شهرين كده، أول ما لمحتها قريتها كلها
و بجد سعيد انك رجعتي تكتبي تاني
انا حتى وريت كام واحد من الجنوب هنا مدونتك، و كان لازم اترجم شوية مصطلحات من باب اللهجة و تباين درجة كثافة الدم بين الشعوب العربية، بس لما فهمو ضحكو جدا
ههههههههه
تحياتي
زي
السلام عليكم ورحمة الله وبركاته
اهلا اهلا اهلا اهلا اهلااااااااااااا
ايه يا بنتي كنتي فين ايه الغيبه الطويله دي
انا قلت انتي سافرتي لندن تعملي الماجيستار ولا حاجه
اتاريكي في قسم الشيخ زايد والمعلم طارق نازل فيكي بهدله
معلش يا اختشي تعيشي وتاخدي غيرها
وحمد الله علي سلامتك
تحياتشي
اولا الحمد لله على سلامتك مرتين
ثانيا.. هو ده بقا سبب الغيبة..
فكرتيني لما كنت في الحج.. في مكة لاقيت عسكري مديني ضهره ، رحت مخبط على كتفه بكل استهتار وباقوله
اسمع يا ... ممكن تقولي منين بيودي على
فين
لاقيته التفت ناحيتي
وأبص على كتفه
لواء
ينهار مش فايت
لاقيته بكل حب ومودة
بيقولي .. حج مبرور.. انت تمشي من هنا وتلف من هناك . وقعد يشرح لي بتاع عشر دقائق
كنت عايز اوطي على ايده ابوسها من ذوقه
يا ميميو
احنا لسه قدامنا كتييير قوي إلى ان نعرف قيمة المواطن ... والوطن
وسمعني اغنيه
حب الزطن فرض عليا
افديه بروحي وعنيا
كان نفسى ابقى اول تعليق عندك بعد كل الغيبة دى
دا انا بتابع المدونة كل يوم وكنت بتسلى فى كتاباتك القديمة
انتى مدونتك يليق عليها اسم
رعب الفكاهه
بجد لما احب اقرا كلام له معنى بس بحس فكاهى بطير على مدونتك
****
افكرك بنفسى بقى
انا واحد كان مرة فى نقابة الصحفيين بيقول شعر فقابل واحدة اسمها ميمو قالتله ايه رايك ما تعمل مدونة
يا ريت تبقى تشرفينى بالزيارة
اوعى تنسى
تحياتى
ايه دههههههههههههه
اداب
يا نهارك
كنتي هتروحي في داهية
ميمو
والله ليكي وحشة يا شيخة
ع كده بقى قابلتى هناك سنية جنح وابتهال ديسكو ورشا قابلنى اخر الليل
لما اخدتى البوكس يا اختشى فكرتينى بالفيلم وهو بيقولوا اعمل نفسك ميت اعمل نفسك ميت :))
قال اغمى عليكي .. ماشى يا عم
ع العموم انا كان قلبي حاسس ان المرة دى هنجيبك من قسم
خدى بالك بقى الفترة الجاية ما تعديش من قدام اى مشرحة .. ما عندناش واسطة هناك :)
حمد الله على السلامه
و انا اللى قلت تلاقى ربنا هداها
و مبقتش تتضرب
ارجع الاقى الضرب لسه شغال
هو كله ضرب ضرب
على العموم عادى جدا
انتى فى مصر
يعنى تحمدى ربنا انك طلعتى من القسم
ده ممكن واحد يدخل يطلع بطاقه
ياخدوه يقفلوا بيه قضيه
هو ده مفهوم حقوق الأنسان عندنا
LOL
we3awda kawyah :)
welcome back!
لا ماتقوليش
انا رجعت تاني بصيت علي اليافطه لقيتها هي
ويلكم باك ياخف دم في التدوين
اوعي بس حد يوقع مابينا ويقول اني ادعيت ان عليكي ليا 50 جنيه في وقت غيبتك
ابزلوتلي....
طيب واللهي وحشتينا يا بنتي
:)ههههههههههههههههه
راجعه بعلقه يابنتي ارحمي نفسك
لا وانضربت من العقيد رايحه تطلب ميه من المأمور
بغض النظر عن ان فيه كلام مايتقالش وانتي فاتحاها علي البحري
بس برضه لسه دمك عسل
تحياتي يا جميل وعود احمد
يبقى انت اكيد اكيد فى مصر
اه
يبقى انت اكييد اكيد فى مصر
حمد الله على السلامة ....
وحشتينا والله يا ميمو .... مع انى اول مرة اكتبلك رد بس فرحتى برجوعك خرجتنى عن شعورى و عن حالة الصمت و خلتنى اقولك نورتى بيتك و مطرحك يا حبيبتشى ....
و بعد كدا يا ستو انا يا ريت فعلا على رأى الباشموهندس أحمد يا مراكبى تبعدى عن القسم و تغنيله .... بس تغنيله ايه باه يا حبيبتشى هو دا مربط الفرس . او العربية فى حالتشك .... تغنيله ايه تغنيله ايه ... واحدة واحدة تنفع ... لأ حاجة اجمد ... اليلادى ... ليلاديت ايه بس و هباب ايه .... تغنيله ايه طيب ... متقولوا معانا يا بشر ... تغنيلوا الغربة ... هى دى ....
و أخيرا ... أبتسم أنت فى مصر البلد
انا حاسس انك بتضحكى علينا مش ممكن يكون كل مره بيحصلك الحاجات دى
عموما انا كنت داخل ومعرفش انك منزله بوست جديد داخل اقولك انى كتبت عنك فى مدونتى حاجه صغيره كده لما تقريها هتفتكرينى
فى مدونة مزاج
اشوف وشك بخير
عصفور المدينه
الله يسلمك و بجد وحشتوني جدا وحلو شكل البلوج الجديد و الموضوعات المحترمه الرائعه أشكرك
---------------
اخد اجراء فين في مصر؟؟ ابلغ عن حكومه لحكومه بس اسكت انا اتضربت لما اتعميت والبلوج كله حقيقه
تحياتي و نورتني
---------------------------
احمد مبرج حر
وحشتنيييييييييييييييي
المهم ايه موضوع البلوج الجديد ده انت فتحته شرك و الا ايه ؟
يوسف
اينعم
-------------
اسمرالدا
انا اتمرمرط بالويبه و اشكرك على عتابك الي جيه في محله
-----------------
شقلوب
مرحبا بك في عالم المدونين
نورتشيني
--------------
اسكندراني
اياك ترجع عشان انت اسمك اتكتب في البلوج و انت حر بقا
اديني عارفتك
ابو النجوم
نورتني و شرفتني وربنا يجعلها اخر الاحزان
وبخصوص موضوع النبوت ده اللي اتعمل فيا برقبتو
و تحياتشي
--------
احمد ثروت بيه
الباشمهندس الكبير مقاما وعلما و ليس سنا:)
الله يبارك فيك
انفد بجلدك يا روح ما بعدك روح
ده هناك الااقسام مفيهاش صريخ ابن يومين
اديني نبهتك اهو
نورتني
-----------
حفصه
وحشتينييييييييييييييييييييييي
على العموم لو ههاهجر و اسيبها مولعه هابقا ابعتلك ميل اقولك انا نفدت ادعيلي
---------------
كبرتش
احم عايز المحضر الي بقسم مروه :)
اشكرك و شرفتني
-------------
تسنيم
وحشتيني موت بجد
ووحشني البلوج عندك
وحياتي الاكتابيه فاضيه بقالها فتره
هاجيللك هاجيلك
-
حمد لله علي السلامة يا ميمو
فينك
لعل المانع كان خير
حسبنا الله ونعم الوكيل في الجبابرة
بس واضح أنك زودتيها شوية مع البيه
الحمد لله أنها جت علي قد كده
حــمدلله على الســـلامة
كل ده غيبة
اصل دلوقتى الشعب فى خدمة الشرطة علشان ينفسوا على نفسهم مع الناس ويجربوا ايديهم
حســـــبنا الله ونعم الوكــــيل
وحمدلله على الســلامة
حمدلله علي سلامتك يا ميمو لرجوعك من زمان مش بتكتبي
اما موضوع القسم دة حكاية انتي تحمدي ربنا كنتي هتروحي فيها
قضية اداب مرة وحدة طب شوفيلك حاجة غير دي تتحشري فيها
لا وكمان بتطلبي كوباية مية من العقيد
فكرتيني بشخصية المنفلوطي دة بتاع محمد سعد في فيلم الي بالي بالك
ههههههههههههههههههه
ياااااه حمدالله بسكلته
انتي فين يا بنتي
بس ايه ده كله ده انتي داخلة ع الحامي أوي ... بس يلا دي آخرة اللي يمشو مع العيال
هههههههه
ميمو حمدا لله على السلامه
فرحت جدا بعودتك
يارب مش نتحرم منك ابدا
ولامن دمك الخفيف
ربنا يفرج كربك
وييسرلك كل امورك اللهم امين ياربالعالمين
ميمووووو
وحيات ربنا وحشتينى موت يا اوختشى
ضربه فى عينه العقيد ده ...حمد على السلامه
كلك زوق يا ميمو هى دى الجدعنه والرجوله
السجن للجدعان
ايه الافترا ده
انتي عملتي في نفسك كده ليه؟
مكنتيش تعبري الواد فتحي
مش عارف ده حقيقي
ولا صندوق الدنيا
وايه الجد وايه الهزار
بس دمك شربات
ماتتأخريش كتير
بنستناكي
تهريج حقيقه ليست هذه القضيه
انما القضيه ان ما افظع حدث ويحدث وسيظل يحدث
نسيت اقلك ان دير نحاس فى الملك الصالح (اول مصر عتيقه يعنى) ومترحيش اقسام تانى القسم فيه عقيد قاتل
مبتبقيش تغيبى خاصه انه لايوجد وسيله للأتصال والإطمئنان عليكى
yaaah finally back again ya Memo...missed you a lot....and great story you wrote, i assume that it didn't happen to you bas el akeed that it's happening ala tool
حمدلله على السلامه ياسكر وحشتينا جدا جدا جدا ..اما قضيه الاداب دى بقى مش عارفه اقولك ايه بطللى تعملى نفسك فريكيكو لتيجى الفاس فى الراس ومانعرفش نعملك ايه :) تحياتى
ياااااااااااااااه الف حمد لله على سلامتك انتى كنتى فين الغيبه الطويله دي
وبعدين هوه انتى كل اما هاتحاولى تعملى حاجه هايطلعلك خازوق في كل حاجه كده
ههههههههههههههه
كالعاده بوست جميل وزي العسل
بس برضه انا عايزه اعرف انتى كنتى فين؟
وحشتيىىىىىىىىىىىىىىىىىىى
موووووووووووووت
يا وحشة مفيش رينجاية ايميل حتى انا قلت انتى فى لوندن
تذاكرين للماجيستير
كنتى فين كل دا يا بنتى ؟؟؟؟؟؟؟؟
---------------------------
ههههههههههههه
مسخرة طوول عمرك بقى الواد ابن خالتشك فى الجامعة الامريكية و ساكتة من زمان مش تقولى
بيتى فى التخشيبة و بقيتى سوابق يا مبمو
مكنش يومك يا اختشى
و حشتنى بوستاتك يا قمر مش تتاخرى عليا تاااااانى
أولا ألف حمد لله على السلامه للبلوج مش للقسم .. عشان بقالك كتير غايبة ..
أما عن البوست .. فبجد جمسل وقدرة رهيبة على سرد المشاكل في وسط كم كبير من خفة الدم
بس في حاجه يا مها
قضية الواد ده ما تتكيفش اداب لانها مش اداب .. وهي مش جريمة أصلا .. لان البنت بمزاجها والواد بمزاجه ومقفول عليهم شقة والبت ما بتتربحش من ده ودي مش مهنتها أصلا ..
وبعدين مافيش جريمة في القانون المصري اسمها جريمة زنا .. اما جريمة الاداب فيعني ازاي هاتكون قضية اداب اللي هي يعني تحديدا دعارة ... واصلا الواد والبت لوحدهم
عشان بس تبقي فاهمه انا قصدي ايه ... جريمة الدعارة أصلا معناها ان أكتر من بنت او مجموعة بنات هي دي مهنتهم وبيكسبوا منها وبيمارسوا الفعل ده بشكل مستمر في مكان معين
يعني ولا شرط فيها اتحقق
واحد وبنت في شقة وخلاص بيعملوا إيه بقي ؟؟ يعملوا اللي يعملوه
أي خدمة استشارة قانونية طازة عشان لا قدر الله لو الاخ ده دخل القسم تاني ده لو كان الموضوع بجد أصلا
تحياتي على البوست الرائع
السلام عليكم
انا اول مرة اجى المدونة
ايه العسل دا
بجد تحفة
حمدلله على سلامتك
وياريت يعنى تبعدى عن الشر وتغنيله
وبلاش تعرفى ابن خالتك دا تانى
وطارق باشا بيسلم عليكى وبيقولك متعديش من هناك تانى
انا عارفة بس ايه اللى رماكى عليهم؟؟؟
مفيش شارع خلفى تستنى ابن خالتك فيه؟؟
معكيش رصيد ترنى عليه ولا تتصلى بيه؟؟؟؟
وبعدين مش لاقية تشربى مية الا فى القسم؟؟؟
عطشانة هاتى بيبسى ياستى ولا كل البهدلة دى
:)
عموما الحمد لله اللى جت على قد كده
بس اوعى لما تقعى مرة تعترفى علينا
احنا زمايلك وكفاءة برده
تحياتى
:)
مين بس اللي قلك تروحي ناحية القسم بس
ايه ده
يا خبر
الحمدلله يا بنتى
الواحد بقى يسمع عاجيب و الله فى البلد دى
ٍ:S
اولا حمدالله على السلامة من زمان مشفناش لكى بوست جديد
ثانيا هى دى مصر الحرة الديمقراطية تعيشى وتشوفى دول لما بيلاقوا حد ملوش دهر بيبهدلوه ولو تجر مخدرات ومسنود بيضرب له تعظيم سلام
المهم انك طلعتى منها على خير
حمداللة علي السلامة و عودا حميدا عن الانقطاع من 4 ابريل الي 8 اغسطس وغوشتيني عليكي طيب كلام سلام باي هاي اي شيء الا كان اية سبب القطعة دي كلها و لا كنتي محبوسة علي زمة قضية تانية و طلعتي و لا موضوع البعثة كان ظروفة اية ؟
تحياتي و سلامي
اغتذر عن التعليق عن ما حدث في القسم الشيخ زايد لانة موش جديد و اي تعليق لن يفيد ما يحدث عادي فهم من قوات الاحتلال موش في خدمة الشعب و لذالك لما بيتزنقوا في الشارع في خناقة او في خدش عربية بيتلموا عليهم و يضربوهم لله في لله و يجروا بعد كدة نوع من تطليع الغلب منهم عموما ربنا يستر لان من الواضح ان انفجار الناس العادية حيكون قريب و حيكون و لا ثورة الجياع بتاعت فرنسا
في الاسكندرية عندنا هنا اكتر من ضابط انضرب جوة القسم في الفترة اللي فاتت و قسم المنتزة اتدغدغ علي دماغ ظباطة بدبابيرهم بغرايبهم بصولاتة و السبب لما اتحقق فية طلع من بعض الضباط المفترية بتخلي الناس تغلي فتهيج عليهم
السلام عليكم
انا اول زياره ليا
الاقى اقسام وبوليس واداب
الكلام ده بجد ولا ايه؟؟؟؟؟؟؟؟؟
يا حرام انا ماكنتش بصدق الحاجات اللى بتيجى فى الافلام دى
حسبى الله ونعم الوكيل فى الحكومه ده اذا كان ده فعلا حصل
مش عارفه هم هيستفيدو ايه لما يعملو فيكى او فى غيرك كده
يلا يا بنتى حمدلله على سلامتك
وبلاها بقى شقه الشيخ زايد دى خالص
ولو مين فى الحبس اوعى حتى تولى انك تعرفيه
ازيك يا ميمو
البوست ده مش زى بوستاتك القديمة يا ميمو
كان باين فيه انك مشلولة ومحسورة بجد مما يوضح انك فعلا خدتى علقة سخنة بحمد الله ..
الف مبارك ع العلقة وربنا يزيدك من نعيمه
عموما ألف حمد الله ع السلامة
بقى دا اسمه كلام
welcome back, memo! bas eh ya benty dah! 7ad yero7 keda el 2esm bi regleh! :)
حمدالله على سلامتك يا ميمو
اربع شهور غيبة مرة واحدة
حد يبقى عنده مدونة زي دي و ميكتبش للناس 4 شهور
و كمان عايزة كوباية مية من العقيد طارق ؟
جتكم البلاوي مليتو البلد
حمدلله على سلامتك يا ميمو
كنتى فين يا بنتى
أنا قلت هاجرتى ولا حاجة
خيير
خيير
أنا بقة مشغول
بس عادى بقة
أودى المشغوووول
يقطع التعليم وسنينننوووووووووو
يا ميمو ازيك يا ميمو؟
يا رب متكونيش واخده علقه من اللى بتاخديهم كل مرة
.....
ايه يا بنتى هو انتى كده علطول غايبة كده هتفصلى قريب من المدرسة اكيد اكيد بتسهرى كتير
لعل المانع خيـــر ياااااااااارب آمـــــــــين
ميمو
كل سنه وانت طيبه وحشتينا
ارجعلا بقلى كفايه كدة غيبه
ازيك يا ميمو يا سكر
يا خراااااابي على قواضيكي وحكاويكي
بموت في خفة دمك...
انا لسه جديده في الكار ابقي تعالي زوريني وفطّميني
كل سنه وانت طيبه
ربنا يتقبل منك صالح الاعمال اللهم امين
رمضان كريم
كــل رمضان وانتى بخير وربنا يبغلك رمضـان
ويجعلك نافع للامة ياااااااااارب آمــــــــــين
ويبغلك رمضــان ياااااااااارب آمــــــــــين
كل سنه وأنت طيبه
رمضان كريم
وحشانى جدآ
اللى يمد ايده على بنت
=شخص جبان
عزيزتي ميمو
رمضان كريم و كل سنة و انتي طيبة و كذلك الوالد و الوالدة و كل من بالبيت و السلامة امانة للعزيزة شوشو الجارة يعني الست جوزها مسافرو تلاقي يا حبة عيني محدش بيسئل عنها
كل علقة وانتى بخير وسلمى على ابن خلتيك
الا هو انتي كنت مشيت ولا ايه
عموما الحمد لله
جت سليمه
لكن هم يبكي وهم يحزن
وكل سنه وانتي طيبه
هاي ميمو
مدونتك تحفة .. أسلوبك الساخر ده مالهوش حل
أرجوكي تراسلني علي الايميل ده عشان عاوزك في مشروع مهم
ashraf_hamdi@hotmail.com
لو تعرفي ناس دمهم عسل كده ابعتيلي
في انتظار ردك
تحياتي
السلام عليكم
زوروا العدد الثاني من مجلتاكم و قولولنا رأيكم
Trateesh kalam
السلام عليكم
اتمنى ان تشاركونى
فى حملة هنكون احسن
http://hankoona7san.blogspot.com/
هههههههههههه
يا بت بقى بطلي تأليف الناس بتصدقك
المهم فيه ظابط في قسم الشيخ زايد ابن كلب
المعلومة وصلت
وصلي لي بقية المعلومات بقى على الميل ده
nawara_negm@yahoo.com
عشان نشقطه في الرابطة
انا مش مصدقة انه ضربك
ايه الوحشية دى
ازاى يضرب بنت اصلا ماعملتش حاجة
ياترى هيحصل فينا ايه تانى من ولادك يا مصر
عقيد على نفسه
العقيد في اللي اعقد منه
مندهتليش ليه؟
انا عندي واسطة عسكري امن مركزي قريبي كنت عملت معاكي واجب
و اخدتلي شالوتين مجاملة
نياهاهاهاي
اوروفوار
would u plz visit my blog and participate in my poll
i really need ur opinion
with my best regards
ميمو ازيك
كل سنه وانت طيبه
انا رجعت ادون تانى
منتظر زياراتك ليا
حلوة بجد
ضحكتينى موت
ههههههههه
تصدقي انك تستاهلي
يعني تاعبه نفسك ورايحه القسم عشان تطلبي كوبايه ميه؟؟
وان كان علي ابن خالتك كنتي سيبيكي منه طالما هو عيل 18 سنه وكنتي مشيتي تبع المثل اللي بيقول السيط ولا الغني
وكنتي سيبتيه يتسيط
اديكي انتي اللي كنتي هتتسيطي بجد
ع العموم يلا ولا يهمك بس لما تدخلي المره الجايه ابقي اطلبي كانز وانت هتدعيلي بجد
يعنى انتى مش اقدره تصبرى لحد ماتخلصى وبعدين تبقى تشربى من اى مكان
زنقت قوى انك تشربى من القسم
هنقول عطشانه ومش اقدرة
طيب ده انتى شفتى الرتبه المفروض نفسك تتسد عن اى حاجه مش الشرب بس
يالله المهم حمد لله على سلامتك
واهو الانسان مش بيتعلم ببلاش
انتي غلطانة وتستاهلي كل دة
المفروض تخشي عليه كأن أبوكي رئيس وزراء بجد والله بكلمك بجد
خشي علية بتناكة كدة وقوليلي اية في اية ياقدع اجري ناديلي الباشا بتاعك بسرعة
مش تقوليلي حضرتك وبطيييييييييييخ
ولو كتر معاكي قوليلوا طيب انا هقفلكم القسم دة وتبقى تتصلي بيا او ابعتيلي كول مي وانا هتصرف
وبالنسبة للواد الفافي بتاع بابي ومامي واشرب نيدو يوماتي دة اذا هو عيطلهم نص ساعة كدة واعد يقول انا عايز مامي وبابي هيطلعوا يعني ومكنش ليها اي لازمة القصة دي كلها
والف سلامتك من الغميان ولما اغمي عليكي وقعتي ع الأرض ولا الظابط شالك!؟ يعني عشان برضوا نعرف القضية بالظبط
توحياتي
حسبنا الله ونعم الوكيل
************
بس انتى المفروض مكنتيش ذهبتى معه
على الأقل كنت لا تدخلى القسم
***************
لان دول اقل من............ا
ولا يعاملوا احد باحترام
وشعارهم
لفق تعيش
وتحفظ هيبتك
وانا بقول له يا خبتك
هههههههههههههههههههههه
انتي زي السكر والله
وعلى العموما يا قمر
تعيشي .. ومش تاخدي غيرها ان شاء الله
وبعدين دي غلطتك حد يروح يطلع حد اليومين دول من قسم
لا وكنتي هتلبسي اداب مره واحده
يانهار مش باين له لون
حسبي الله نعم الوكيل
اي قسم دلوقت الداخل فيه مفقود والخارج مولود
خدى بالك من نفسك ومتعملهاش تانى عشان مستقبلك
المشرحة مش ناقصة ميتين
تحياتى
ميمو ازيك
شوفت تعليق ليك عند سوسه المفروسه فرحت قوى
قلت لازم اجى اسلم عليكى وااقولك كل سنه وانتى بالف خيرررررررر
وحشتيننننى جدااااااااا
ووحشنى مجادلاتك
كل سنة وانتم طيبين
Xee
انا قعدت ادور على بلوج ليك ملقتش رغم اني قريت تعليقات كتيره ليك
شرفتنا
---------------
فضفضة
وعليكم السلام ورحمة الله و بركاته يا جميلة
الله يسلمك و شكرا على اهتمامك و المتابعه مبروك البلوج الجديد
-----------------
تامرررررررررررررررررررر
ايةه غني غني خالي الغنا ينفعك بقا
جميل شكل البلوج الجديد
مبروك
--------------
انكسارات
انا عملتلك زياره سريعة كدا و البلوج بتاعك غني بالمعاني الجميلة والكلمات الي جاية من جوا
تحياتي
-----------------
عمرو احمد
عموريييييييييييييي وحشتنيييييييييييييي
انا كنات هاقول ان انا جاية من ظلافك لله فلله كدا كنت ناوية اخدمك
---------------------
مهاميهووووووووووووووو
لا مشرحة لاااااااااااااااااااااااااااااا
بلاش تفولي انا فعرضك
----------------------------
مريم
الله يسلمك
لما تلاقي الدنيا بحالها بتجري عليك و ناس كتيرة ملمومه من حواليك
انا هالغي البطاقه خلاص هامشي بالمحضر بعد كدة
تحياتي
--------------------
X
ثانك يو ولكم يو تو
ريجاردس
-----------------------
حصان
جميل اوي الشكل الجديد بتاع البلوجات
و بعدين مبروك برضه التنويع في الكتابات كان فكره ظريفه تحياتي
----------------------
كرانيش
منورا مصر و اللهي
-----------------
هند
الله يسلمك يا ست البنات
هعيط و الله
انتي كني وحشاني اوي
-----------------------------
حزين
انت ازاي مسمي نفسك حزين و مدونك تشرح القلب و بحري
يا ابني سمي نفسك بهيج او بهلول حاجه كدا وش القفص
تحياتي
بينو
الله يسلمك سيبك من العلقه و قولي يا ابني عامل ايه في شغلك وعيون اخباره ايه
تحياتشي يا حماده- مش هاقول اسمك عشان بتزعلللللللللللللللللللللل
------------------
اماني
الله يسلمك
كتر الف خيرك انك فاكراني
ادعي ادعي ربنا كبير
------------------------
عادل
الله يسلمك يا فندم
انا صحيح مبجيش لاكن متابعة مدونتك و لابدالك فيها على طول
بوستاتك كلها بتخرجني من ام المود النيل بتاعي
------------------
سكاير
انت فين بس دانا قلبت الدنيا عليك
و الله يسلمك
--------
رفقة
الله يسلمك و شكرا على التعليق الظريف دا
امين انا وانتي يا رب اشكرك
-----------------
سارة
انتي فاكراني في السجن لا يا ماما لاااااااااااااا
مش انا
داحنا داحنا الي اضربنا و تنحنا
سجن مين يا بنتي انا اعلا من كدا بكتير
-----------------
حالاوه
صدق صدق
وهوا المصايب دي كلها تحصل و اكبتها في نفسي ولاما اجي احكيها الناس متصدقش انا بطلع الكبت يا ايبني
----------------------
جعفر
اظن كدا كثرت لاوسائل مرحبا بك في المدونه و مرحبا بك في مصر و العالم
-----------------------
ميرااااااااااااااااااااااااااااااااا
وحشتينييييييييييييييييييييييييييييييييييييييييييييييييييي
ايام جونا ليف يو اكومنت اون يور بلوج اي لوف يو يا بنتي اند اي ميسد يور بلوج مالاخر
ريجاردس
--------------------
سهر اليالي
الله يخاليكي و يبراكلك
تحياتي ليكي و عقبال نما اشيل عيالك كدا يا رب و افرح بيكي
------------------
مهاموههههههههههههههه
بتاعت الكلام الجامد اوي
الله يسلمك و اللهي انتي الي عسل
تحياتي
-----------------
ميرو القمر
خلاص بقا احنا مع بعض ها اي حاجه طمنيني عليكي هاااااااااا
مصطفي
انت عرفت منين الكلام ده هوا انت ظابط لا و الله بجد انت بتقرا في الكلام دة و لا بتعرف الحجات دي منين و لا ابن مين في مصر و لا معاك شهادات ايه داحنا اتسحلنا في القسم و اتبهدلنات و اتباع و اشترا فين ولا تجارة العبيد يا ابني و نبي ابقا عرفني انت ايه اصلك و فصلك و ثقافتك عشان انا مستغربه اوي المعلوات دو و كمان عشان تبقا تيجي معانا في اي مصيبه
لاحسن يا ابني اللمه الي مفيهاش صايع حقها ضايع
و تحياتي ليك و اشكرك على زيارتك
انا بكره تامر حسني هاااااااا
---------------------
حدوته
الله يسلمك
و انا اول مرة اشوف سيادتك و يا رب متكنش اخر مره
تحياتي
-----------------
شمس
غلطه عمرييييييييي
----------
كارتوز
كلو كلو علي كلو و اللي يعيش هنا يا اما هايشوف
-----------
هند تاني و النور اللي مالالي البلوج نورتيني
--------------
ياسر
الله يسلمك
و كله خير خير ان شاء الله
شكرا على الزياره الجميله
و اسكندريه لها الله بجد
بعد العمارة الي وقعت و البهدله الي انتو فيها الله يكون في عنكو بجد
----------------
بندقة
شرفتيني و نورتيني
و اثلجتي صدري
محمود
امشي يا واد انت من هنا انتا جي تشمت انا عارفة
ولا عال ما اتبقاش الا ابو دم تقيل ده
تحياتييييي
-------------
احلة حياه
الله ايه الصورة الرقيقة دي
---------------
ابيتاف
ولكم تو يو تو اي ميسد يو
-----------
حمادة شرم
بقلك و نبي انا كنت عايزه حاجة تخمدني عشان مبنمش بقالي سنتين و كنت عايزة اعرف السبب
تحياتشي
-------------
محمود
خير خير خير
ما بيجيش الا كل خير
منورنا والله
مشغول في ايه يا ترا ؟؟؟
يا ترا يا هل ترا ؟؟؟؟
ربنا معاك
تحياتي
---------------
سارة
منوراني تاني و متخفيش
بحبك
----------
اماني
منوراني تاني برضه يا جميلة
فاقري
منورنا و يسلم فمك
-------------
ريجو
اشكرك علي زيارتك للبلوج
---------------
دكتور حر
مش مصدقه ان انت بتعلق عنديييييييييييييييييي
لولولولويييييييييييييييييييييييييييييييييييي
ونبي تعليق كمان عشان اتصور جنبة
احمدك يا رب
---------------
اشرف حمدي
الرسام الكبير اشرف حمدي
اية الهنا الي انا فيه ده
تعالليلي يا اما
هابقا ابعتلك
تحياتي
----------------
محمد
حاضر
----------------------
مودي
انا باخد على الاعلان سبعه جنية
و المشاركه خمسه جنية خمسة و سبعين
والغاوي ينقط بطقيته بقا
مش هاتقدر تغمض عنيك
--------------
نوارةةةةةةةةةةةةةةة
والله انا كل الي اعرفة انه اسمه العقيد طارق
مارضيوش يقولوي اسمه بالكامل
--------------------
سيمبل دريم
منوراني و شرفتي المدونه
----------------------
طهقانه
واسطه عسكري
يا ماما خاليه العبي بية شطرنج افيدلك
اذا كان الوزير معمليش حاجة
بلا نيله بقا
----------------
بجابيجو
منورني
---------------
مسيلماه
تفتكر انا عمري هاقرب من ظابط ولا قسم تاني نفر نفر
تحياتي
----------
نورا مهدي
نورتي البلوج و شرفتيني بالزياره
مكنتش اعرف ان الدنيا كدا
اية دة اية دة
دة بجد دة ولا هزار
عموما لو هزار عادى يعنى السجن للرجالة
ولو جد فحد قالك يا مجنونة تدخلى قسم
عموما لو الواد دة عمل حاجة دايقتك فعلا قوليلى وانا اخليهولك عسكرى مرور
ولا تدايقى نفسك
بلاش والنبى الالفاظ الجميلة اللى بتستخدميها لكن غير كدا اسلوبك ساخر وحلو .. بس هى الحكاية دى حقيقية ؟!
一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載
情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍
A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛
情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色
情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室
希望大家都會非常非常幸福~
「朵朵小語‧優美的眷戀在這個世界上，最重要的一件事，就是好好愛自己。好好愛自己，你的眼睛才能看見天空的美麗，耳朵才能聽見山水的清音。好好愛自己，你才能體會所有美好的東西，所有的文字與音符才能像清泉一樣注入你的心靈。好好愛自己，你才有愛人的能力，也才有讓別人愛上你的魅力。而愛自己的第一步，就是切斷讓自己覺得黏膩的過去，以無沾無滯的輕快心情，大步走向前去。愛自己的第二步，則是隨時保持孩子般的好奇，願意接受未知的指引；也隨時可以拋卻不再需要的行囊，一路雲淡風輕。親愛的，你是天地之間獨一無二的旅人，在陽光與月光的交替之中瀟灑獨行.............................................................................................................有時，你覺得痛。胃痛的時候，接受它，承認這個疼痛是你的身體的一部份，與它和平共處。心痛的時候，接受它，承認這個經驗是你的生命的一部份，與它和平共處。抗拒痛的存在，只會讓它更要證明它的存在，於是你就更痛。所以，.無論你有多麼不喜歡痛的感覺，還是要接納這個痛的事實。與你的痛站在同一邊，不逃避，不閃躲，不再與你的痛爭執，如此，你的痛才會漸漸不再胡鬧，才會乖乖平息下去。.................心願-你許下了一個心願，你閉上眼睛，在冥想之中把這個心願交託宙給宇整個讓宇宙推動它全部的力.量去執行.，你看見星球與星球的引力牽繫著彼此，你聽見虛空與虛空.唱裡著和妙美的聲音，為了你的心願，整個宇宙正在相互傳遞，然後你放下了心願，不僅是放下，最好你還把你的心願忘記，唯有如此，它才能脫離你，發展它自己，
當它在宇宙的遊歷結束之後，它自然會來到你身邊，以你曾經希望的方式回應你，許下，只是讓它發生，放下，才是讓它實現，你的心願使你懂得不能執著的奧秘
Post a Comment